डेनिस प्रधानमन्त्री मेटे फ्रेडरिकसेनले बढ्दो जटिल अन्तर्राष्ट्रिय परिस्थितिलाई संयुक्त रूपमा सम्बोधन गर्न राज्य भित्र एकताको लागि आह्वान गर्नुभएको छ । ग्रीनल्याण्डको स्वशासनका प्रधानमन्त्री जेन्स–फ्रेडरिक निल्सेनसँग बोल्दै फ्रेडरिकसेनले बलियो शक्तिहरूले हानि पु¥याउन खोजे सम्पूर्ण राज्य एकसाथ उभिनुपर्ने बताउनु भयो । पत्रकारहरूले अमेरिकी राष्ट्रपति डोनाल्ड ट्रम्पसँग भेट्न इच्छुक हुनुहुन्छ कि भनेर सोध्दा फ्रेडरिकसेनले आफूहरु सधैं अमेरिकी राष्ट्रपतिसँग भेट्न र वार्ता गर्न इच्छुक रहेको बताउनु भयो । आफ्नो तर्फबाट निल्सेनले ग्रीनल्याण्डको बारेमा संयुक्त राज्य अमेरिकाबाट हालैका टिप्पणीहरू अनादरपूर्ण भएको उल्लेख गर्नुभयो । डेनिस रोयल हाउसका अनुसार राजा फ्रेडरिक एक्सले सोमवार ग्रीनल्याण्डको भ्रमण गर्ने कार्यक्रम छ ।
